طريقة عمل الفراخ بالبصل فتكات جوزى طلب منى فراخ بالبصل و الطماطم و عملتها و عجبته اوى

 جوزى طلب منى فراخ بالبصل و الطماطم و عملتها و عجبته اوى

بسم الله الرحمن الرحيم

زى ما العنوان بيقول بالظبط جوزى نفسه راحت للفراخ بالبصل و الطماطم و بما انى سنه اولى جواز و طبيخى "تلت اربع" لبه ف الاكله طلعت حلوة

و جيبهالكوا النهاردة بالصور عشان تقولولى رأيكوا و اللى تعجبها تعمل مشاركه و تقيم و تجربها جايز تعجبها وتعجب جوزها





بصى يا ستى المقادير والطريقه :

بصلتين و طماطميتين وهتقطعيهم حلقات و هتحطى عليهم البهارات اللى نفسك فيها

ملح و فلفل و كمون و تعصرى ليمونتين و تخلطى كله مع بعضه

وبعدين الفرخه طبعا هتكون مغسوله كويس و متقطعة 4

هتحطى بقى الخلطة اللى عملتيها دى (البصل و الطماطم المتبله) بين الجلد و اللحم فى كل قطعة من ال4 قطع بتاعت الفرخه




وتحطي صينيه الفراخ دى تتبل من قبلها بالليل او قبل ما تطبخيها بساعتين

نيجى بقى لبعد ما الساعتين يخلصوا

بصى ياستى هتشيلى التتبيله اللى انتى حطاها بين الجلد و اللحم و تحطيها تحت الفراخ عشان ماتلزقش

هتحطى الصينيه على نار هاديه خاااااااالص و تغطيها






وتسيبى الصينيه لحد ما الفرخه تنزل ميتها وتبدأ تغلى وتسوى نفسها بنفسها

اول ماتغلى تعرفى ان كدا لسه قدامها ساعه وخدى بالك ان كل شويه لازم تهزى الصينيه عشان ماتلزقش





بعد ما خلاص الفرخة استوت و دة شكلها




شغلى الفرن عشان الفرخة تتحمر من فوق (انا قلبتها عشان تشوفوا شكلها قبل ما تدخل الفرن)





دخلى الفرخة تتحمر و كل شويه بصى عليها عشان تاخد لون حلو و ماتنشفش منك زى واحدة اعرفها احم احم





دى اكييييييييييد مش أنا هع هع هع بس جوزى قالى انها حلوة على فكرة و الحمد لله انها عجبته و بالنسبه لأول مرة دا كويس جدا الحمد لله

يارب تكون الطريقة عجبتكوا

قد يعجبك ايضا

خفقات
سوبر فتكاتمبسوطة٢٦‏/٥‏/٢٠١٢ ٨،٢٦ مممتااااااااااااااز ياقمر
انت شاطرة اوي
رد قراءة نسخ المشاركة 0 عرض التعليقاتالتوقيع
vovo2010
VOVO2010
فتكات غالية قويكوولالفائزة بمسابقة صيفنا احلي مع فتكات الجزء الاول - الجزء الثاني_شخصيتنا العربية خبيرة فتكات في اقسام المطبخ الفائزة بالمركز الثاني بمسابقة للمبدعات فقط_متميزات الأسماك والبحريات الفائزة بالمركز الثالث بمسابقة تورتة فتكات للربيع العربي المشاركة المتميزة في  مسابقة لا للتقيم السئ لاحاديث الرسول الكريم صلى الله عليه وسلم النشاط الاجتماعي لحضور مقابلة فتكات النشاط و التميز - شيف مطبخ فتكات٢٦‏/٥‏/٢٠١٢ ٩،٠٦ مهاااااااااااااااااااااااااااايل يا قمر
تسلم الايادى يارب
ممتاااااااااااز
رد قراءة نسخ المشاركة 0التوقيع
عاشقة القرآن ام محمد وجويريه
عاشقة القرآن ام محمد وجويريه
سوبر فتكاتمالكيش دعوة٢٦‏/٥‏/٢٠١٢ ٩،٣٥ متسلم ايديكى ياقمر جميله ماشاء الله بألف هنارد قراءة نسخ المشاركة 0التوقيع
رؤى4444
رؤى4444
فتكات ست الكلمبسوطة٢٦‏/٥‏/٢٠١٢ ١٠،٣٨ متسلمىىىىىىرد قراءة نسخ المشاركة 0 عرض التعليقاتالتوقيع
amira miro 2
AMIRA MIRO 2
فتكات رائعةكوول٢٦‏/٥‏/٢٠١٢ ١٠،٤٦ متسلم ايدك يا سكرة
ربنا يسعدك ياربرد قراءة نسخ المشاركة 0التوقيع
حرم عبده باشا
حرم عبده باشا
فتكات ست الكلغضبانة جدا٢٧‏/٥‏/٢٠١٢ ١٢،٤٣ صتسلم اديكى
رد قراءة نسخ المشاركة 0 عرض التعليقاتالتوقيع
somyy ana
SOMYY ANA
سوبر فتكاتسعيدة قوي٢٧‏/٥‏/٢٠١٢ ١،٤٥ صعسل اوي انتي
ههههههههه
فحمتي امها فالاخر 
تسلم ايدك بجد لزيزة اويرد قراءة نسخ المشاركة 0 عرض التعليقاتالتوقيع
سلسبيلة111
سلسبيلة111
فتكات رائعةاحبه يا ماما٢‏/٦‏/٢٠١٢ ٩،٠٥ صاااااااااااااه من سنة اولى جواز
شايلة همها من دلوقتي
الاكلة جميلة خاااالص
انتي حطيتي ميه عالفراخ؟
رد قراءة نسخ المشاركة 0التوقيع
sahr mohamed
SAHR MOHAMED
برنسيسة فتكاتمستغربةالنشاط و التميز بمنتدي فتكات الفائزة بمسابقة رنة موبيل، الجزء الأول. النشاط الاداري المتميز٢‏/٦‏/٢٠١٢ ٣،٥٤ متسلم الايادى

رد قراءة نسخ المشاركة 0التوقيع
marwaessam
MARWAESSAM
برنسيسة فتكاتمخضوضة٢‏/٦‏/٢٠١٢ ٥،٤٨ مروعـــــــــــــــــــــــــــــه
تسلم ايديك ياقمر

ليست هناك تعليقات

يتم التشغيل بواسطة Blogger.